အိမ္လြမ္းသူ

လြမ္းမိတယ္
မွဳိင္းပ်ပ်ေတာင္တန္းေတြနဲ့
အစီအရီေပါက္ေနတဲ့ ထန္းေတာေတြကုိေလ။

ဘယ္ေတာ့မ်ား ျပန္နမ္းရွုိက္ခြင့္ရမွာလဲ
စပါးခင္းေတြကုိ ျဖတ္သန္းျပီး တုိက္ခတ္လာတဲ့ေလေတြကုိေလ။

လြမ္းတယ္
ဆည္းဆာေအာက္မွာ
ေရခပ္ဆင္းတဲ့ ညီငယ္ ညီမငယ္ေတြကုိလြမ္းတယ္။
ဖုံတေထာင္းေထာင္းနဲ့
လွည္းလမ္းၾကီးကုိလည္းလြမ္းတယ္။
ဖေယာင္းတုိင္မီးေလးေအာင္မွာ
ေရေႏြးၾကမ္းေသာက္ရင္း
စကားစျမည္ ေျပာခဲ့ရတဲ့ညေတြကုိလြမ္းတယ္။

ငါ...နွုတ္မဆက္ခဲ့ပါဘူး
ဒါေပမဲ့
လမ္းခြဲခဲ့ရတယ္။
ငါ...မငုိေက်ြးခဲ့ပါဘူး
ဒါေပမ့ဲ မ်က္ရည္ေတြျဖဳိင္ခဲ့တယ္။

ဒီ...အတိတ္ရဲ့တံစက္ျမိတ္ထဲ
ငါ့အိပ္မက္ေတြ ဘယ္ေတာ့ျပန္ေျခခ်ခြင့္ရမွာလဲ..
နည္းအမ်ဳိးမ်ဳိးနဲ့
ဆြဲမိဆြဲရာတြယ္ကပ္ေနရသူေတြထဲ
ေျခသလုံးကုိ အိမ္တုိင္လုပ္ေနရတဲ့ ေဟာဒီ ငနဲတစ္ေယာက္ကေတာ့
အခုထိ အိမ္မျပန္နုိင္ေသးဘူး ။ ။ ။