တစ္ဆေပူးခြင်း

(၁)
အတိတ်မေ့သွားတယ်
မနေ့က ဘာဖြစ်ခဲ့တယ် ငါ..မသိဘူး
အဲဒီ မသိတာကိုပဲ
ငါ...တကယ်မသိဘူး ။
(၂)
သောကမျက်နှာနဲ့လူတွေ
ငါ့ဘေးမှာ ၀ိုင်းအုံနေကြတယ်
နတ်ဆရာလို လူကြီးတစ်ယောက်ကလည်း
ပါးစပ်က ပွစိပွစိ ရွတ်ဆိုနေပြီး
ငါးပက်သလို
ငါ့ ကိုယ်ထဲက မကောင်းဆိုးဝါးကို ပက်ထုတ်နေတယ် ။
တချို့က ယက်ခပ်ပေးတယ်
တချုိ့က ငါ့ နှာခေါင်းကို ဘာမှန်းမသိတဲ့ ဆေးရည်တွေသုတ်တယ်
တချုိ့က ငါ့ ခြေထောက်ကို အသားကုန်နှိပ်တယ် ။
(၃)
လက်ရှိ အသက်သွင်းထားတဲ့
လောလောလတ်လတ် တဒင်္ဂလေးကိုတောင် ငါ မသိဘူး
ငါ့ရဲ့ ဖြစ်တည်မှု့ဟာ
ငါ့ ခန္ဓာနဲ့ ငါ့ စိတ်မဟုတ်ဘူး
ငါ စကားပြောတယ်
အသံ မထွက်ဘူး
ငါကြည့်တယ်
(လမိုက်ညမှာ ဘလက်ဘုတ် မဲမဲကြီးကို မျက်မှန်အမဲ တပ်ကြည့်သလိုမျိုး)
ငါ ဘာမှမမြင်ရဘူး ။
(၄)
ငါ ဖြစ်တည်တယ်
ငါ့ရဲ့ ဖြစ်တည်မှု့ဟာ
ခြေနှစ်ချောင်းလား
နာခေါင်း နှစ်ပေါက်လား
အသဲနှလုံးလား ဆိုတာ ငါ တကယ်မသိဘူး ။
(၅)
ဒီလိုမျိုး
တစ္ဆေပူးဝင်ခြင်းခံရတဲ့ ငါ့ လက်ကျန် အချိန်
ရှင်လျက်သေနေတဲ့ ဖြူဖတ်ဖတ် ငါ့ မျက်နှာ
မိတ်ဆွေတို့ရဲ့ နောက်ဖေးလမ်းကြားက တီးတိုးအသံ
ငါ..တကယ်မသိဘူး ။
(၆)
ငါ....
ဘယ်တော့များမှ ပြန်ရှင်သန်နိုင်မှာလဲ
တစ္ဆေပူးဝင်ခြင်း မရှိတဲ့
တစ္ဆေတစ်ကောင်မှလည်း မရှိတဲ့
အထက်ချောင်းက ခေါင်းလောင်းမြို့တော်ကိုလေ ။ ။ ။

** တကယ်တော့ အထက်ချောင်းဆိုတာရော..ခေါင်းလောင်းမြို့တော် ဆိုတာရော တကယ်ရှိမရှိ ကျွန်တော်
တကယ်မသိပါ ။ ။ ။
25,12,2007
Christmas Night

အတွေး

ကျွန်တော်ဟာ အကြားအမြင်တော့မရပါဘူး
ဒါပေမဲ့
ချင့်ချိန်စဉ်းစားတတ်ပါတယ် ။

ကျွန်တော့်မှာ မျက်စိနှစ်လုံးပါ ပါတယ်
ဒါပေမဲ့
တခါတရံမှာ မမြင်တတ်ပါဘူး ။

ပန်းတွေဟာ မွှေးပျံ့တယ်ဆိုပေမဲ့
ပန်းတိုင်း မဟုတ်ဘူးဆိုတာ သတိပြုရမယ် ။

ပြီး.....
ဒို့တတွေဟာ အနာဂတ်ရဲ့ "သားကောင်း” သာ ဖြစ်သင့်တယ်
အနာဂတ်ရဲ့ "သားကောင်" မဖြစ်သင့်ဘူး ။ ။ ။

လူ့ ဘ၀ အခြေခံ

ဘာထုတ်လုပ်မှု့မှမရှိဘဲ
ဘာနောလေ့ဂ်ျမှ မပေးနိုင်ပဲ
ပစ္စည်းတွေကိုချည်းသိမ်းတတ်တဲ့
ဟောဒီ လက်တွေကို မလိုချင်တော့ဘူး ။

ဟန်ဆောင်နိုင်မှ အစားချောင်တဲ့ လူ့ဝန်းကျင်မှာ
လူ့ယုံကြည်မှု့
လူ့စေတနာ
လူ့ရက်ရောမှု့တွေကို ခေါင်းပုံဖြတ်တတ်တဲ့
လူ့ဟန်ဆောင် ဆရာတွေကိုလည်း မလိုခြင်တော့ဘူး ။

ပညာကချိနှဲ့ 
အသိဥာဏ်က နုံနဲနဲ့ 
ပိတ်ဖြူဝတ်ရင် သူတော်စင်ထင်တတ်တဲ့
ဒို့ လူမျိုးစစ်စစ်တွေကိုလည်းမုန်းတယ် ။

မမြင်ရတဲ့ ချမ်းသာမှု့ကိုမျှော်ကိုးပြီး
ဘာမဟုတ်တဲ့ အဆောင်ယတြာတွေကြား
ဗျာများတတ်တဲ့
ထေရ၀ါဒ အမည်ခံတွေကိုလည်း မုန်းတယ် ။

ဟောဒီ လူ့ဝန်းကျင် စစ်စစ်မှာ
အခြေခံလိုအပ်ချက်ဟာ "အသိဥာဏ်ပညာ"
"ဟန်ဆောင်ဆရာ" မဟုတ်ဘူး
"အဆောင်ယတြာ" မဟုတ်ဘူး ။ ။ ။

၁၄.၁၂.၂၀၀၇
သောကြာနေ့
ဆင်းရဲတွင်းနက်နေသော ရွှေမြန်မာများနှင့် ထေရ၀ါဒအမည်ခံတချို့ကို တွေ့ မြင်မိသောကြောင့်......

လွတ်မြောက်နယ်မြေ

မှိုင်းညုိ့ညုိ့တောင်တန်းတွေနဲ့ စိမ်းမြမြတောတန်းတွေက ပေါ်လူးရှင်းတွေ သိပ်သည်းလှတဲ့ မြုိ့ပြဘ၀နဲ့တော့ တခြားဆီပဲ ၊ ဟုတ်တယ်...ငါခရီးထွက်ခဲ့တယ်..မွေတစ်ကောင်လို ကွေ့ ပတ်တဲ့တောင်တက်လမ်းတွေက ငယ်ငယ်က ဖတ်ခဲ့ရတဲ့ နန္ဒောပနန္ဒနဂါးမင်းပန်ချီကားတစ်ချပ်လို....လမ်းတွေက ကွေ့ကွေ့ကောက်ကောက်...


တောင်တက်လမ်းက မြင့်လွန်းတော့ တအီအီနဲ့ ဟိုင်းလပ်လေးလဲ မီးခိုးတွေအူလုိ့....သူ မနိုင်ဝန်ထမ်းခဲ့တာပဲ..
ကားဆိုတာ......အဲ.....လူဆိုတာနိုင်ရာဝန်ကိုပဲ ထမ်းရပြီး..တန်ရာကိုပဲ မျှော်လင့်ရမှာလေ...ဒီနိယာမကို သစ္စာဖောက်လို့ လူ့ဘ၀ကြီး ဂျွန်ထိုးမှောက်ခုံဖြစ်ရတာ ......( အဲဒါ....ယုံသလား?????)
တောင်တန်းဒေသဆိုတာ အေးတယ်လေ...တောင်နံရံတွေမှာ နှင်းတွေကဝေ့လို့....ဒီကြားထဲ ကားလေကတိုးတော့ ပါလာတဲ့ အ၀တ်နဲ့ အသားမှန်သမျှမပေါ်ရအောင် ဆွဲအုပ်လိုက်ရတယ်...(မျက်နှာက လွဲလို့)


တအိအိနဲ့ နှစ်နာရီလောက်ဖြတ်သန်းပြီးချိန်မှာတော့ သွပ်မိုး အုပ်ကာ အဆောက်အဦးတွေ အပေါ်စီးကမြင်ရ
တယ်...ကားတချို့မောင်းနှင်နေပြီး လူတစ်ချို့ခြေရှုပ်နေကြတယ်...ရွာလယ်ဈေးကတော့ အရှုပ်ဆုံးပေါ့...နောက် မှသိရတာက အုန်ဖင်ရွာ{ Um Phyin Village} တဲ့လေ.. သူတို့နိုင်ငံကရွာတွေက မြုိ့နဲ့မခြား...ပညာရေး..
ဆေးပေးခန်း..ဆက်သွယ်ရေးအတွက် လမ်းဘေးဖုန်းများ... တောင်တက်လမ်းတွေသာဆိုတယ်..လမ်းတွေက ဖြူးလို့...ကျွန်တော်တို့ရွာက (အဲ..လေ..နိုင်ငံက) ကျိုင်းတုံ-တောင်ကြီးလမ်းနဲ့ နှိုင်းယှဉ်ကြည့်မိတယ်.. "သိပ်မကွာ ပါဘူးကွာ" ဒါဆို မလုံလောက်သေးဘူး... "တခြားဆီပဲ" ဒါလဲ သိပ်မပြည့်စုံသေးဘူး..."နိုင်းစရာ အကြောင်းကို မရှိဘူးဘူး" တဲ့....ဘော်ဒါတစ်ယောက်က ၀င်ပြောတယ်..သူကထပ်ဖွင့်တယ်.
"နှိုင်းယှဉ်တယ်ဆိုတာ သိပ်မကွာ တဲ့ အရာတွေကိုပဲ နှိုင်းယှဉ်ကြတာ..အရည်အသွေး ကွာခြားလွန်းတဲ့ အရာနှစ်ခုကို နှိုင်းယှဉ်စရာ အကြောင်းမ ရှိဘူး" တဲ့..အင်း ... သူပြောတော့လည်း.. အဟုတ်....


ကျွန်တော်တုိ့ခရီးက ဒီမှာ မဆုံးသေးဘူး.. ဆယ့်ငါးမိနစ်လောက် ထပ်စီးလိုက်ရတယ်...အုန်းပြန့် ကမ့် {Um Pyane Camp} တဲ့... လမ်းအပြည့် ဖြတ်တားထားတဲ့ ဂိတ်ကြီးနဲ့ ပုလိပ်တစ်ကောင်က စောင့်ကြိုနေတယ်..
သူဘာ မှမပြောခင်မှာပဲ သူ့အကြုက်သိတဲ့ ဘော်ဒါတစ်ယောက်က အားကစားစာစောင်ကြီးတစ်ခုကို ထိုးပေးလိုက်တယ်. .. ဘာချက်ကင်း..ဘာကွက်ရှင်း {Checking & Question} မှ မလာဘဲ ဒို့လေးယောက်အတွက် ကားထားတဲ့ အတားကြီး ဖယ်သွားတယ်..”အော် ဒီမှာလည်း ဒါမျိုးတွေ ရှိတာပဲလား” လို့ ကျွန်တော်က စပ်စုလိုက်တော့ ”ရှိတယ်..ရွေနိုင်ငံတော်ကြီး က မြ၀တီတဲ့ နီးလို့လေ” တဲ့...မဲဆောက်မှာနေပြီး ရင့်ကျက်နေတဲ့ ဘော်ဒါကြီးက ရှင်းပြတယ်..
ဒီလိုနဲ့ ကမ့်လမ်းအတိုင်းလျှောက်လာတယ်...၀ါသနာအရ တွေ့သမျှကို လေ့လာကြည့်တော့ အိမ်တွေက ၀ါးကာ.. ၀ါးခင်း..အမိုးက ဓနိ..တကယ့်ကို လုံလုံခြုံခြုံပါပဲ.. ဆယ်ပုံ ပုံ ခုနှစ်ပုံလောက်သော အိမ်တွေက အပေါ်စက် အောက်စက်နဲ့..ညဆိုလည်း လစဉ်ကျေးပေးရတဲ့ မီးစက်နဲ့... ထိန်ထိန်ကို လင်းလို့...အော်...ကျွန်တော်တို့ရောက်နေတာက ဒုက္ခသည်စခန်းတဲ့...ဒို့ရွာက..အဲ. ဒို့နိုင်ငံတော်ကြီးက ရွာတွေနဲ့ကွာပ....................


အင်္ဂလိပ်စကားပုံတစ်ခုရှိတယ်.."Some facts are more stranger than ficition" တဲ့..”တချို့ တကယ့်အဖြစ်အပျက် တွေဟာ စိတ်ကူးယဉ်ဝတ္ထုတွေထက် ပိုဆန်းကြယ်တယ်” တဲ့..မှန်လိုက်တဲ့ဖြစ်ချင်းလေ..တကယ်ပါ..ဒီနေရာမှာ (ငယ်ငယ်က ဆရာ တစ်ယောက်ရဲ့ လေကို ဖမ်းပြီးပြောရယင်) ထမရေသောက်ဖက် ခေါင်းခေါက်ဖက်တွေနဲ့ လာတွေ့ ရမယ်လို့ လုံးဝ လုံးဝကို တွေးမထားခဲ့ ပါဘူး..လက်တွေ့မှာတော့ ရှစ်နှစ်လောက်ကွဲကွာခဲ့ပြီး ရှစ်နှစ်လောက် ရန်ကုန်မှာ အတူနေဖူးတဲ့ သူငယ်ချင်းတစ်ယောက်ကို တိုက်တိုက် ဆိုင်ဆိုင် အဲဒီမှာ လာတွေ့ရတယ်...မချိန်းဆိုပါပဲ ဆိုက်ဆိုက်မြိုက်မြိုက်ကြီးသွားခဲ့တာလည်း သူနေတဲ့ကျောင်းတည့်တည့်ကို..နောက်တစ် ယောက်က ရန်ကုန် အမေရိကန် စင်တာ"Crossroad Cafe" သင်တန်းမှာ အတူတက်ခဲ့ဖူးတဲ့ သူငယ်ချင်း..သူက လူရွှင်တော်တစ် ယောက်လို မျက်နှာကိုက ပျက်လုံးတွေအပြည့်..ပြီးတော့ Class Clown..အလွန်သိက္ခာကြီးတဲ့ ဆရာတောင် သူ့ကြောင့်မျက်ရည်ဝဲဖူး တယ်.. ရယ်ရလွန်းလို့...နောက်တစ်ယောက်က ဆိပ်ကမ်းသာလမ်းက ဒို့ရဲ့ မားသား ကလပ်(စ်) ဖြစ်တဲ့ UMA မှာ အတူတူကျင်လည် ခဲ့ဖူးသူ...တချို့လည်း လူချင်းမရင်းနီးပေမဲ့ ရန်ကုန်က Classes တွေမှာ ခြေချင်းထပ်ဖူးသူတွေ...တစုံတရာရဲ့ ဖိနှိပ်ချုပ်ချယ်မှု့ကြောင့်..တစုံတရာရဲ့
ခြိမ်းခြောက်မှု့ကြောင့်..အဲဒီ တစုံတရာရဲ့ လူသားမဆန်မှု့ကြောင့် သူတို့တွေ အမိမြေနဲ့ ဝေးနေရပေမဲ့ အပြုံးမပျက်ကြသလို စိတ်ဓာတ်လည်းမကျကြပါဘူး..အမိမြေရဲ့ လွတ်မြောက်မှု့ကို ငံ့လင့်နေကြသလို တတ်နိုင်သမျှလည်း တိုက်ပွဲဝင်ခဲ့ကြ ၀င်နေကြသူတွေလေ..တညမှာ ပါတီပေးရင်း သူတို့က ကြွေးကြော်လိုက်သေးတယ် ”ဒါဟာ ဒို့နေဖူးသမျှတွေထဲမှာတော့ တကယ့်ကို လွတ်မြောက်နယ်မြေလေ” တဲ့..

( နောက်မှသိရတာက သူတို့ဟာ ရွှေနိုင်ငံက လွဲပြီး ဘယ်ကိုမှ မရောက်ဖူးကြသူတွေပါတဲ့ ဗျား)


၂၆.၁၁.၂၀၀၇
အုန်းပျန့် ဒုက္ခသည်စခန်း ရောက် အမှတ်တရ.....

အမှောင်ကဘာ (သို့) RAMNAYM

ကျွမ်းတမြေ့မြေ့
တငွေ့ ငွေ့ လောင်
ဘ၀ထောင်ထဲ
ချုပ်နှောင်ဆို့ပိတ်
ဒို့..အတိတ်သည်.....
..........................
..........................
..........................

အမှောင်လွမ်းခြုံ
ဒီ အသိုက်မြုံထဲ
အလင်းမသိ
ကြယ်မရှိဘူး
ပန်းတိုင်ဆိုတာ ဝေးလာဝေး ။ ။ ။

18.Nov.2550
Frid day

အပြီးပိုင် နှုတ်ဆက်ခြင်း

လောလောလတ်လတ် စီးဆင်းသွားတဲ့
ဟောဒီမျက်ရည်တွေ မခမ်းချောက်သေးဘူး ၊

ထပ်မကြေကွဲပါရစေနဲ့
တိုးတိုးညှင်းညှင်းနဲ့
ငါ့ရဲ့လေဟာနယ်ဟာ
ငါ့...ရွက်ကြွေတွေကိုသာ သယ်ဆောင်ပါစေတော့ ၊

နင်းချေ ကန်ကျောက်ခံရဖုိ့ကိုက
မွေးရာပါ ကံနာတစ်ခုဖြစ်ခဲ့ယင်
ဒီမှာပဲ လက်ပြနှုတ်ဆက်လိုက်ပါရဲ့ ၊

ဝှေ့ခနဲ့တိုက်ခတ်သွားတဲ့လေပြေဟာ
ရင်ဘတ်ဗလာနဲ့ငါပါ ၊

ဘယ်လို ပါဖေါင်းမင့်(စ်)* မျိုးမှ မလာပါနဲ့တော့
မင်းလက်လှုပ်ရာ က ရလောက်အောင်
ငါကိုယ်တိုင်က ရုပ်သေးရုပ်မဟုတ်သလို
မင်းကလည်း ကြိုးဆွဲဆရာ မဟုတ်တော့
ဒီဇာတ်ခုံပေါ်မှာ
မင်းနဲ့ငါဟာ
ဘာ ဖန်ရှင်း# မှကို မရှိတော့ဘူး ။ ။ ။

* performance
# function

16.Nov.2007
Frid day

အိမ်လွမ်းသူ

လွမ်းမိတယ်
မှိုင်းပျပျတောင်တန်းတွေနဲ့
အစီအရီပေါက်နေတဲ့ ထန်းတောတွေကိုလေ။

ဘယ်တော့များ ပြန်နမ်းရှိုက်ခွင့်ရမှာလဲ
စပါးခင်းတွေကို ဖြတ်သန်းပြီး တိုက်ခတ်လာတဲ့လေတွေကိုလေ။

လွမ်းတယ်
ဆည်းဆာအောက်မှာ
ရေခပ်ဆင်းတဲ့ ညီငယ် ညီမငယ်တွေကိုလွမ်းတယ်။
ဖုံတထောင်းထောင်းနဲ့
လှည်းလမ်းကြီးကိုလည်းလွမ်းတယ်။
ဖယောင်းတိုင်မီးလေးအောင်မှာ
ရေနွေးကြမ်းသောက်ရင်း
စကားစမြည် ပြောခဲ့ရတဲ့ညတွေကိုလွမ်းတယ်။

ငါ...နှုတ်မဆက်ခဲ့ပါဘူး
ဒါပေမဲ့
လမ်းခွဲခဲ့ရတယ်။
ငါ...မငိုကျွေးခဲ့ပါဘူး
ဒါပေမဲ့ မျက်ရည်တွေဖြိုင်ခဲ့တယ်။

ဒီ...အတိတ်ရဲ့တံစက်မြိတ်ထဲ
ငါ့အိပ်မက်တွေ ဘယ်တော့ပြန်ခြေချခွင့်ရမှာလဲ..
နည်းအမျိုးမျိုးနဲ့
ဆွဲမိဆွဲရာတွယ်ကပ်နေရသူတွေထဲ
ခြေသလုံးကို အိမ်တိုင်လုပ်နေရတဲ့ ဟောဒီ ငနဲတစ်ယောက်ကတော့
အခုထိ အိမ်မပြန်နိုင်သေးဘူး ။ ။ ။